升左班後, 除左要學識介片片外, 托兒所開始提供書本上既知識, 相信係為明年的入學作好準備!

相片上係晴晴既第一本書及第一本手冊........晴晴放學返來都有話要讀"書書"架, 不過我抽問佢時都識, 應該有聽下書既..

晴晴說：「 請看看我第一本書及第一週的手冊啦 ^_^」

升班後既2個月後........

升左班之後, 晴晴好似識左好多野, 唔知係咪因為識左d新朋友仔呢? 不過識既野有乖既, 例如: 唱歌仔, 講小小故事內容, 跳下舞仔啦...etc. 但亦有頑皮既, 例如: 多咀, 同人嗌交等等!

最重要既係晴晴差不多介曬片啦, 係屋企除左瞓覺就唔洗用啦, 呢樣係我比較擔心既一樣野, 其實托兒所只係用左短短1個月左右就教識左她, 真開心, 晴晴既成長好像又跨左一大步啦!

晴晴明天升班啦

晴晴入左托兒所差不多2年啦, 今次係第2次升班, 亦都應該係佢係托兒所內最後一次升班啦. 時間過得真係快, 咁快由最細既bb變成大姐姐啦.

升班後晴晴會小左兩個好朋友, 因為佢地大個d會升去其它班, 但都會有10 同學仔一齊升, 佢應該唔會唔適應掛, 而且未來應該仲有10個新同學仔, 好快又會有新朋友仔啦!!

希望佢升班後個先生同姨姨都比以前更好, 學多d野!!

久違了的週未假期

自從轉左新工後, 都很久沒有在星期六放假了(放假的定義為公眾假期及晴晴返埋學先算). 今天天氣非常晴朗, 我地一家三口都瞓到九點幾先身, 起身後可以唔駛趕住送晴晴送學, 感覺真係好.

送左晴晴返學後, 就放低架車去洗白白, 跟住去成半年都冇去過既光輝嘆早餐, 咁休閒真係令我好懷念不用返星期六的日子. 早餐後就行下街, 不過都只係睇下有咩買比啨啨及準備去旅行時需要的用品, 都買左唔小野, 買左衫仔, 杯啦及玩具. 現在去親街多數都係為左睇晴晴既野, 好似已經唔識得買野比自己咁, haha.

下午接左晴晴放學後, 我地就去左禮記Tea, 需然晴晴就黎兩歲, 不過佢仍在不停轉變中, 經常帶比我地驚喜, 今日比佢飲雪碧玩下佢, 因為佢平時都唔飲的, 一飲就吐返出黎, 點知今日佢飲左後攬住唔比返我, 係咁飲, 晴晴又接受多一樣食物啦, 雖然只係汽水, 但都好好啦, 我地會繼續嘗試比多d唔同種類比佢食, 等佢唔好咁偏食.

HK Disney Trip

我地終於係10月28號第一次同晴晴去旅行, 雖然只係一個2日一夜既香港之行, 但係都準備左好耐同埋好期待, 希望透過今次帶佢出去既體驗為日後更長既旅行做實習.



今次既行程主要有兩個, 一個係香港迪士尼, 而另一個就係去studio 影相. 首先講下迪士尼之行, 原本以為晴晴會好開心, 點知..................去到迪士尼見到d大公仔就好驚, 跟住仲要喊埋! 帶佢去玩遊戲, 第一個就係玩Winnie the Pooh, 點知都係驚, 咁即係咩都唔駛玩, 好在之後睇小小世界果陣都算開心, 如果唔係都唔知去黎做乜, 成個Trip就係玩左咁多野, 因為晴晴好似唔係太開心及眼瞓, 總結就係太細個既小朋友唔係太適合去Disney, 都係要有返3~4升帶佢去, 如果唔係只係浪費金錢!



至於另一個行程影相就好滿意啦, 影左個半小時, 成個過程晴晴都算合作, 而且佢又玩得好似好開心, 而最重要就影出黎既效果好好, 比相像中好, 當我地睇相既時候就已好鐘意啦, yeah!!
http://www.mybabyface.hk/200810/miki/mygallery.htm

有左今既旅行既經驗, 我有信心可以帶晴晴去更遠既地方, 好期待下一次既旅行, 快d計劃下先!!!

~~~~~~升級了~~~~~~

今個星期一晴晴由A班升到F班啦, 呢個係晴晴已經大個女既証明, 升班又會有一班新同學仔, 希望大家合得埋同埋晴晴唔好蝦人啦, haha, 因為我個女成日打人架!

不過升班後晴晴又比D阿姨投訢, 話佢唔會合群, 唔肯排隊, 唔肯拖手仔, 又唔肯試用碗飲奶, 成班只係得佢唔肯, 真係跩呀! 仲要好識扮野, 一見到阿公黎接佢就即刻扮喊, 扮到好可憐咁, D阿姨話佢真係識做戲, 真係無佢收.

頑皮小豆丁

晴晴現在一歲多了, 在這幾個月裏佢學識左好多野, 佢既學習能力全完超出我既想像範圍, 佢識得打人, 掉野, 踢野, 而且今日發現原來仲識扮"喊", 仲要我地叫佢扮, 佢就即刻扮比我地睇, 真係好搞笑, 亦都比佢激死, 我呢個女呢真係古靈精怪, hehe!!