HK Disney Trip

我地終於係10月28號第一次同晴晴去旅行, 雖然只係一個2日一夜既香港之行, 但係都準備左好耐同埋好期待, 希望透過今次帶佢出去既體驗為日後更長既旅行做實習.



今次既行程主要有兩個, 一個係香港迪士尼, 而另一個就係去studio 影相. 首先講下迪士尼之行, 原本以為晴晴會好開心, 點知..................去到迪士尼見到d大公仔就好驚, 跟住仲要喊埋! 帶佢去玩遊戲, 第一個就係玩Winnie the Pooh, 點知都係驚, 咁即係咩都唔駛玩, 好在之後睇小小世界果陣都算開心, 如果唔係都唔知去黎做乜, 成個Trip就係玩左咁多野, 因為晴晴好似唔係太開心及眼瞓, 總結就係太細個既小朋友唔係太適合去Disney, 都係要有返3~4升帶佢去, 如果唔係只係浪費金錢!



至於另一個行程影相就好滿意啦, 影左個半小時, 成個過程晴晴都算合作, 而且佢又玩得好似好開心, 而最重要就影出黎既效果好好, 比相像中好, 當我地睇相既時候就已好鐘意啦, yeah!!
http://www.mybabyface.hk/200810/miki/mygallery.htm

有左今既旅行既經驗, 我有信心可以帶晴晴去更遠既地方, 好期待下一次既旅行, 快d計劃下先!!!

~~~~~~升級了~~~~~~

今個星期一晴晴由A班升到F班啦, 呢個係晴晴已經大個女既証明, 升班又會有一班新同學仔, 希望大家合得埋同埋晴晴唔好蝦人啦, haha, 因為我個女成日打人架!

不過升班後晴晴又比D阿姨投訢, 話佢唔會合群, 唔肯排隊, 唔肯拖手仔, 又唔肯試用碗飲奶, 成班只係得佢唔肯, 真係跩呀! 仲要好識扮野, 一見到阿公黎接佢就即刻扮喊, 扮到好可憐咁, D阿姨話佢真係識做戲, 真係無佢收.

頑皮小豆丁

晴晴現在一歲多了, 在這幾個月裏佢學識左好多野, 佢既學習能力全完超出我既想像範圍, 佢識得打人, 掉野, 踢野, 而且今日發現原來仲識扮"喊", 仲要我地叫佢扮, 佢就即刻扮比我地睇, 真係好搞笑, 亦都比佢激死, 我呢個女呢真係古靈精怪, hehe!!

Yeah, Yeah! 雪印BB爬行比賽季軍

【本報消息】由新八佰伴主辦、雪印香港有限公司贊助的“第七屆新八佰伴雪印親子嘉年華”昨日下午二時半假新八佰伴地下大堂舉行，共有四十八名六個月至三歲半的少兒被抽出比賽。為令子女突圍，家長們使出渾身解數，氣氛歡樂。

昨日共有兩個比賽項目，分別是“雪印BB爬行比賽”和“雪印左左右右齊配對＋雪印紅綠燈大賽車”。家長出盡“法寶”，如益力多、手機、食品、毛公仔，甚至手提電腦，務求令BB“爬快啲”。

現場氣氛熱烈，尤以家長最緊張，場內不時傳出“BB加油”的鼓勵聲。更出現不少“笑話”，如有BB臨衝線一刻“返轉頭”，亦有愛理不理，爬到其他賽道玩別人玩具者，家長為之哭笑不得。

有家長稱，會因應BB不同階段諗計，最重要是有教育意義，坦言教導BB需要有耐性。

經過個多小時比賽，“雪印BB爬行比賽”冠、亞、季軍得主分別為歐奕禧、歐梓峰、吳灝晴；“雪印左左右右齊配對+雪印紅綠燈大賽車”得主分別為陳熙陽、林嘉敏、鄒曰嵐。

昨日比賽評判包括永聯德富商貿管理有限公司總經理陳燕清、新八佰伴女裝部貨場經理彭美梨，以及雪印香港有限公司市務部高級經理巫瑛

出牙仔啦

今日係晴晴第一次出牙仔既日子, 所以我要好好記低佢, 亦都係時候update下呢度啦.

其實已經有兩個月冇寫過blog啦, 之前工作實在太忙, 都冇乜時間搞下呢度. 係呢兩個月當中其實有好多晴晴既第一次, 每一樣都應該好好記低佢, 例如:

晴晴既第一次食零食

晴晴既第一次識坐

晴晴既第一次識爬

晴晴既第一個新年

晴晴既第一次站立......等等

真的很多很多的第一次, 雖然我冇記低係度, 但係可以親眼睇到, 見証住佢既成長, 令我既生活增加左好多歡樂.

我會繼續期待見証晴晴日後更多的第一次, 當然想只係好的第一次, 希望佢在2008/03/23的爬行比賽可以第一次攞獎啦, hehe!!

Ba ba.......

呢一兩日晴晴又帶來我新驚喜, 佢突然"阿ba, 阿ba" 咁叫, 叫得好好聽, 好斯文, 初頭以為聽錯, 後來聽多幾次原來真係開叫"阿ba" 啦, 雖然我知道佢唔係叫我, 但係已經好開心啦, 可能好快識叫我啦!

不過晴晴已經斷斷續續咁病左一個星期, 係今日仲燒到39.5度, 真係又要有排担心啦!