聖誕快樂

第一年同晴晴過聖誕節的感覺是非常愉快, 亦明白到幸福可能真係可以好簡單!

在聖誕節那天, 一家人簡簡單單的出外吃了一餐飯, 不是去高級的餐廳, 也不是很美味的食物, 但在那一餐飯的時間過得非常開心, 每當看到睛晴大笑, 家人同晴晴玩樂時的歡樂及旁人對她的目光, 我都感覺到滿足及幸福, 我想這是身為父親後才能擁有的。

晴晴..快d病好啦!

晴晴已經病左4日, 到左今日雖然好似好d, 但個人都仲係唔太精神, 冇左平日經常有既笑容及好動.

佢既病應該係好輕, 但係我地已經同佢睇左2個醫生, 同埋開左葯比佢, 不過好似食左葯後問題仲大, 就係食得好小奶, 咁樣佢一定會瘦晒啦, 希望佢快d有返胃口啦 @_@

晴晴第一次病

昨晚晴晴瞓覺時好似有點咳, 鼻又有好似塞塞地, 搞到瞓得唔好.

到左今朝, 佢繼續係係咁, 同佢用耳探探下熱, 發現原來都成37度, 我估晴晴今次真係病啦~~

唔知佢想點!! *_*

晴晴大個左開始識人後, 成日都唔係好理我, 見到阿媽, 阿姨, 婆婆同公公都好好笑容, 但係見我就望都唔望下, 真係激死我啦!!

五個月大的晴晴

又過左一個月, 寫blog真係唔係好啱我呢懶人, 差唔多一個月先update一次, 由日誌變左月誌, 都係要勤力d先得.

晴晴呢人仔到左五個月大之後, 就由一個受我控制既人仔變左一個失控既Monster, 一到星期六, 日就比佢玩死. Miki 食家非常活躍, 睇小一眼都唔得, 成日係度不停轉身, 大叫啦, 要人同佢講野及唔肯正經食野(因為佢好八, 食野勁唔專心, 左望望右望望咁, 唉...), 日日都要同佢博鬥, 搞到精疲力盡.

現在佢未識行識走已經係咁, 日後真係難以想像!

晴晴 - 4個月啦!!!

真係好耐冇update個Blog, 見到個朋友好有心機咁去日日寫佢bb既野係MSN度, 真係都好想咁做; 但平時返工時又忙, 返到屋企梗係想同晴晴玩多d啦!

晴晴入左托兒所都一個月啦, 好似冇咩特別, 但始終自己都係心掛掛, 唔知她肯唔肯食奶奶, 瞓唔瞓到覺, 係咪眼光光等人接...等等, 可能都係自己担心多左......希望晴晴可以快d大個女d, 識得同其他小朋友玩, 唔洗眼光光淨係望住天花板啦!

現送上晴晴最近既一張相..........

晴晴 - 笑出聲啦

今日中午食飯時同晴晴玩時，佢突然間"笑出聲"呀! 第一次聽到佢笑，好開心呀！現在正期待住 "反身"既一天！！！

晴晴 - 托兒所中

晴晴係8月18日入了托兒所啦！現在都係暫時返半日先，睇佢慣唔慣啦！

預備入托兒所

晴晴將會係足3個月既時候入托兒所, 所以呢個月中會入.......而聽日就會去托兒所,同哥度d人見一見面啦!

唔知晴晴會唔會唔慣托兒所d生活呢?

2個月大了

好快咁, 晴晴已經兩個大啦, 佢比我想像中大得快, 亦都都算好乖, 睇住佢一日一日咁成長及改變, 真係好開心!

回想返晴晴剛剛返到屋企時只係好細粒又輕, 真係好担心佢既健康. 但係到左現在佢已經差不多有10磅重, 56cm身長, 佢既發育係非常理想, 我地之前努力照顧佢終於算有d成綪啦.

7月3日 - blog

都好多日冇update個blog....

晴晴開始同我地各人笑多左, 唔係斜咀哥種, 係笑得好開心哥種; 仲有, 她會發出d "Ur...Ur..."既聲音tim....好似同緊我地講野咁!!!!!!!!!

第二次保健

今日係第二次保健的日子, 而晴晴已經有3.8kg啦, 她雖然身形都屬於係小size, 不過醫生話唔錯.......

除左保健, 今日仲打左一支預防針, 好彩只係哭左幾聲..........heee........

滿月

昨日係"晴晴"滿月, 我地兩家人去左"富豪"擺滿月, 冇招待其他朋友; 我亦可以話係已經坐完月, 可以食番多d唔同既野luu......

時間都過得幾快........已經一個月了......晚上起身亦漸漸習慣了!!!!!!!!!!!!

晴晴- 第27天

原來好多日冇update個blog, 因為多左個bb,實在好多野要做!

我地唸日發現到, 當我地拿住一個有聲既小玩具同晴晴玩, 她既頭仔會跟住我地轉去另一面, 眼仔會跟住望, 我同Jeffrey見到咁好開心呀, 証明我地晴晴大個女左d啦!!!

今日下午會同bb去辦身分證, 她有証luu !!!!!!!!

晴晴-第20天

今日晴晴開始哭多了, 為什麼呢? 唔通大個女左, 開始識"紐計"?

我地仲未幫晴晴改到英文名, 要加油啦!

第一次保健

6月1日....晴晴第一次去做保健...醫生話一切正常,咁都放心d;

仲有,晴晴重左0.45kg,真係好啦!

Peggy

晴晴 - 第15天了

今日係我第一次update個blog........(5/31/2007)

我地"晴晴"出左世已經第１５天啦，生活上好似仲未好習慣，可能仲係在適應期；尤其在夜晚...係最開頭幾日，真係要２－３個鐘起１次身（餵奶，換片...)，真係好眼訓，尤其爸爸要返工添！

到了昨晚有小小變化，３點幾餵完奶後就訓到今朝７點幾，希望之後一路有進步啦！不過最緊要係bb身體健康，快高長大!



晴晴媽媽(Peggy)

第一次抱BB

今日第一次嘗試抱bb, 我只係坐度, Peggy放bb係我手上, 一放落我雙手度佢就喊啦, 應該係我抱得佢唔舒服, 佢真係輕, 好似好脆弱, 我好驚整親佢, 即刻要Peggy抱返走佢啦, 明天要再試下抱佢先!

我好肚餓, 快d比野我食!

bb 出世了

在昨天5月17日 下午, bb終於已開刀形式出世了.

雖然開刀只需1小時, 但是在等待中的這一段時間心情是非常複習, 是我在這一生人從未試過的, 手心不停出汗, 不停地在走廊俳回, 一直等......一直等, 直到知道bb出世, 見到bb及見到太太的時候才安靜下來. 見到bb的一刻真係非常開心, bb我們終於見面了!!!

bb 快d出世啦

bb已經38週了, 我地好心急想佢快d出世, 雖然只剩下2週, 但係覺得時間好似好長咁, 等來等去都未出世既!

產前講座

上星期六去左山頂聽產前講座-今次是關於分娩, 其實之前去鏡湖都聽講過, 不過聽人講山頂果個內容會好d, 所以都報左去聽下(註: 山頂既產前講坐比較難book, 而且一年只開幾次, 仲有好多限制, 唔係人人報得).

今次聽完同係鏡湖比較感覺真係好唔同, 山頂講座既內容比較仔細, 而且講者都非常用心去做準備, 聽完之後覺得好有用, 可以令我地清楚明白到分娩係咩一回事. 其實聽完真係會有d驚, 順利分娩唔係一件咁容易既事, 係非常痛同埋要好強既忍耐力, 而且仲有一定既危險性. 不過我地早d了解到個過程, 可以做好心理準備, 到時只要跟住姑娘指示, 應該會順利好多.

為左生bb, 老婆懷胎十月已經好辛苦, 生果陣時又非常痛, 日後bb出世後要更加錫佢地!

煲薑

今日開始煲薑啦, 之前已經準備好耐, 因為成家人都唔識煲, 所以要左問人右問人, 仲要睇下書學下. 到正式煲果陣都手忙腳亂, 有d step好似都係錯錯地, 不過算啦, 又唔駛我食, 到時可能要辛苦朋友了, haha!

超聲波檢查

昨日到衛生中心做最後一次的超聲波檢查, 發現其中FL植比正常細(即腳仔比較短), 需要到山頂做多一次Level II 超聲波檢查, 真係令到我們有點担心.

其實衛生中心檢查真係唔係咁好, 好多時問佢地一d問題都答到唔清唔楚, 搞到我地都不知所措, 最後原來都係虛驚一場, 希望今次都係啦!

Yeah Yeah........34週了

我地個bb好快就會出世啦, 媽媽心情非常緊張呢!
成日係度諗仲有咩未準備好呢, 點算呢!! 點算呢!!
.................................