產前講座

上星期六去左山頂聽產前講座-今次是關於分娩, 其實之前去鏡湖都聽講過, 不過聽人講山頂果個內容會好d, 所以都報左去聽下(註: 山頂既產前講坐比較難book, 而且一年只開幾次, 仲有好多限制, 唔係人人報得).

今次聽完同係鏡湖比較感覺真係好唔同, 山頂講座既內容比較仔細, 而且講者都非常用心去做準備, 聽完之後覺得好有用, 可以令我地清楚明白到分娩係咩一回事. 其實聽完真係會有d驚, 順利分娩唔係一件咁容易既事, 係非常痛同埋要好強既忍耐力, 而且仲有一定既危險性. 不過我地早d了解到個過程, 可以做好心理準備, 到時只要跟住姑娘指示, 應該會順利好多.

為左生bb, 老婆懷胎十月已經好辛苦, 生果陣時又非常痛, 日後bb出世後要更加錫佢地!